७.५ रेक्टरकाे भुकम्पले काठमाण्डाै र ललितपुर प्रभावित

काठमाडौं/ ललितपुर, करिब १२्र बजे आएको भुकम्पले देशभरको जनजिवन प्रभावीत भएको छ । लमजुङ केन्द्रविन्दु भएर आएको भुकम्पले देशभर क्षती पु¥याएको छ । ७.५ रेक्टर स्केलको भूकम्पले सवैभन्दा धेरै क्षती राजधानीमा पु¥याएको छ ।

राजधानीका धेरै स्थानमा बर्षौदेखि कच्चा अवस्थामा रहेका घर र पर्खालहरु भत्किएका छन् भने कतिपय स्थानका पक्कि सडकहरु फाटेका छन् । राजधानीका अधिकांश अस्पतालमा घाईतेहरुको घुईचो लागेको छ । पटक–पटक भुकम्पको धक्का आईरहेको हुनाले अस्पतालहरुले बाहिर खुल्ला ठाउँमा राखेर उपचार गराईरहेका छन् । आकस्मिक उपचार समेत अस्पतालहरुले बाहिरै गरिरहेका छन् । ठुलो भुकम्प गएपछि त्रसित भएका राजधानीवासीहरु अहिले खुल्ला स्थानमा जम्मा भएर बसिरहेका छन् ।

राजधानीको ऐतिहासीक धरहरा ध्वस्त भएको छ । आज शनिवार भएकाले धरहरा चढ्ने मानिसहरुको घुँईचो लागेको हुनाले क्षतिको यकिन विवरण आउन सकेको छैन ।दरबार हाईस्कुलको केही भु–भाग भत्केको छ भने असन र पाटन क्षेत्रमा ठुलो क्षती पुगेको छ । राजधानीमा मानविय उद्धारको कार्य जारी रहेको प्रहरीले जनाएको छ ।

यसैगरि शक्तिशाली भुकम्पको असरले ललितपुरको जुद्ध बारुणयन्त्र कार्यालय ध्वस्त भएको छ । दमकल कार्यालय भत्कँदा बाटो हिँड्दै गरेका केही बटुवा घाईते भए भने दुई जना पुरिएको आशंका एक प्रत्यक्षदर्शीले रातोपाटीलाई बताए ।

दमकल कार्यालय नजिकै रहेको सुमेरु अस्पतालले विरामीहरुलाई बाहिरै निकालेर उपचार गरिरहेको छ । ललितपुरका स्थानीयहरु जावलाखेल चोकको खुल्ला स्थान, लगनखेल बसपार्क र खुल्ला सडकमा जम्मा भएर बसेका छन् ।

अचानक शक्तिशाली भुकम्प आएपछि ललितपुरवासीहरु आत्तिएर सडकमा निस्किएका थिए । सडकमा पार्किङ गरेर राखिएका दजनौं सवारी साधनमा क्षती पुगेको छ । घर भत्किएर किचिएका घाईतेहरुलाई स्थानीयवासीले ट्याक्सि र मोटरसाईकलमा राखेर अस्पताल पु¥याएका थिए । भुकम्प गैसकेपछि कत्तिपय महिला र बालबालीका रोइरहेका देखिन्थे ।

स्थानीय सामाजसेवीहरुले ललितपुरका विभिन्न स्थानमा माईकिङ गरेर विपत्तिमा परेकाहरुको उद्दार गरिरहेका छन् । घर भत्केर ईट्टा र माटोले पुरेको ठाउँमा स्काभेटर पुगेर हटाउन थालेको छ । ललितपुर प्रहरी पनि उद्धार कार्यमा जुटिरहेको छ ।