यूएइमा पत्रकारिता तालिम सम्पन्न

मुम्चे रार्इ/ नेपाल पत्रकार महा सङ्घ यूएइ शाखाको आयोजनामा गए राती बिहिबार अक्टुबर १६ तारिखका दिन दुवाइमा एक दिने आधारभूत पत्रकारिता तालिम सम्पन्न भयो । नेपाल पत्रकार मह सङ्घ केन्द्रीय अध्यक्ष डा. महेन्द्र विष्टको प्रमुख आतिथ्यमा सञ्चालित पत्रकारिता तालिमका प्रशिक्षक नेपाल पत्रकार महासङ्घ केन्द्रीय अध्यक्ष डा. महेन्द्र विष्ट र उपाध्यक्ष खिला बहादुर भण्डारी रहनु भएको थियो ।

पत्रकारिता पेसामा संलग्न हुन चाहने यूएइका तमाम यूवहरूलार्इ समेट्ने गरि आयोजना गरिएको यस कार्यक्रममा संस्थागत पहल र व्यक्तिगत प्रयासबाट जम्मा ६५ जना सहभागीहरू रहेका थिए । समाचार लेखन, स्तम्भ लेखन, खोज मूलक समाचार लेखन र प्रवासी पत्रकारिता जस्ता शीर्षकमा रहि सन्चालन गरिएको यस कार्यक्रम नेपाल पत्रकार महसङ्घ केन्द्रीय उपाध्यक्ष खिला बहादुर भण्डारीद्वारा स्तम्भ लेखन र अध्यक्ष डा. महेनद्र विष्टद्वारा समाचार लेखन, खोज मूलक समाचार लेखन र प्रवासी पत्रकारिता सम्बन्धी आवश्यक पूर्वाधारहरू उल्लेख गर्दै यसका फाइदा-बेफाइदा, पत्रकारिता पेसामा संलग्न हुँदा अपनाउनु पर्ने सावधानता, कानुनी व्यवस्थाका प्रक्रियाहरू लगायत जोखिमता सम्बन्धीका विषयहरूमा प्रशिक्षण दिइएको थियो ।

यस कार्यक्रममा यूएइमा रहेर विभिन्न पत्रपत्रिकामा काम गर्दै आएका स्थापित पत्रकारहरूको पनि उपस्थिति रहेको थियो । यस अवसरमा किरात राइ यायेक्खा यूएइ शाखाबाट समेत जम्मा पाँच जनाको सहभागि रहेको थियो ।